جوري بكر تنتقد ظاهرة «اللسان المعوّج» في الساحل: "اتكلموا عربي علشان العمال يفهموا"

 أثارت الفنانة جوري بكر موجة من التفاعل على مواقع التواصل الاجتماعي، بعد انتقادها لتصرفات بعض الشباب في الساحل الشمالي، خاصة ما وصفته بـ"التكلف في التحدث بالإنجليزية" عند التعامل مع عمال الكافيهات والمطاعم.

ونشرت جوري عبر خاصية "الستوري" على إنستجرام فيديو كشفت فيه موقفًا شخصيًا، قائلة: "وأنا بكلم ابني، واحدة بتقولي ليه مش بتكلميه إنجليزي؟! دي تربية ابني يا جماعة، وكل واحد حر.. بس ليه في الساحل لازم نتكلم إنجليزي؟ ليه مانسهلش الدنيا؟"

وأكدت جوري أنها كانت من قبل تستخدم الإنجليزية بكثرة، لكنها غيرت هذا السلوك بعدما نصحتها صديقتها بأن التحدث بالعربية هو مفتاح التواصل الحقيقي في المجتمع.

وأضافت: "أنا نفسي أوقات مش بفهم اللي بيتكلموا إنجليزي، فإزاي العامل البسيط اللي شغال وبيتعب؟ الناس دي محترمة وبتكافح علشان مصاريف الدراسة أو تجهيز الجواز".

ووجهت جوري تحية للعمالة الشابة في الساحل الشمالي، مشيدة بأخلاقهم واجتهادهم، مضيفة: "أنا بفرح لما اللي بيحبوني يكونوا من الشيفات أو الجارسونات، لأن الناس دي بتشتغل بجد".

واختتمت حديثها برسالة عن أهمية احترام الذوق العام، قائلة: "لبس البحر مكانه البحر، مش ينفع أدخل عيادة ألاقي واحدة لابسة مايوه! لازم نراعي أن في كبار سن وأسر حوالينا".